Në Ukraina është raportuar një valë e re sulmesh të mëdha nga Rusia, ku janë përdorur qindra dronë dhe dhjetëra raketa, duke shkaktuar viktima dhe dëme të shumta materiale.
Sipas autoriteteve ukrainase, kryeqyteti Kiev ka qenë objektivi kryesor i sulmeve, por goditje janë regjistruar edhe në zona të tjera të vendit. Si pasojë e sulmeve, katër persona kanë humbur jetën, ndërsa rreth 100 të tjerë janë plagosur.
Raportohet se janë dëmtuar dhjetëra ndërtesa banimi, një shkollë, një teatër opere dhe një muze, ndërsa shpërthime të fuqishme janë dëgjuar gjatë gjithë natës në kryeqytet dhe rrethinë.
Nga ana tjetër, Ministria e Mbrojtjes së Rusisë ka deklaruar se në sulme është përdorur edhe raketa hipersonike “Oreshnik”, duke i cilësuar veprimet si përgjigje ndaj sulmeve ndaj infrastrukturës së saj.
Autoritetet ukrainase kanë mohuar pretendimet për sulme ndaj civilëve, ndërsa hetimet dhe vlerësimet e dëmeve po vazhdojnë.
Sinjali – aty ku e vërteta flet para lajmit!