"Shtëpi 250 mijë euro u ble për 150 mijë" – Ish-këshilltari ngre akuza të forta ndaj Arbërie Nagavcit për pazare në fund të mandatit
Ish-këshilltari i Ministres së Arsimit në Kosovë, Valdrin Dervishaj, ka ngritur dyshime publike lidhur me mënyrën e blerjes së një prone nga ish-ministrja Arbërie Nagavci në një nga lagjet më të shtrenjta të Prishtinës.
Në një reagim të publikuar, Dervishaj ka kërkuar që Byroja për Verifikim dhe Konfiskim të Pasurisë të trajtojë rastin, duke theksuar se duhet të hetohen jo vetëm figurat e opozitës, por edhe zyrtarë të pushtetit aktual dhe ish-zyrtarë të tij.
Sipas tij, shtëpia është blerë në fund të mandatit qeveritar dhe “fingo e re”, ndërsa pretendon se çmimi i paguar është dukshëm më i ulët se vlera reale e tregut në atë zonë.
Ai ka ngritur gjithashtu pikëpyetje mbi kredinë e marrë për blerjen e pronës, duke thënë se kësti mujor prej rreth 1600 eurosh nuk përputhet me pagën e atëhershme të ish-ministres, e cila sipas tij ishte rreth 1700 euro.
Dervishaj pretendon se në atë zonë shtëpitë kushtojnë mbi 250 mijë euro, ndërsa prona është blerë për rreth 150 mijë euro, duke kërkuar transparencë dhe hetim të plotë të rastit.
Sinjali – aty ku e vërteta flet para lajmit!