Lukashenko dhe Macron rikthejnë kontaktet diplomatike pas një kohe të gjatë, ja çfarë dikutuan në bisedën telefonike

Presidenti bjellorus Aleksandr Lukashenko dhe presidenti francez Emmanuel Macron zhvilluan një bisedë telefonike këtë të diel. Ky ishte kontakti i parë midis dy udhëheqësve në këtë nivel prej një kohe të gjatë.

Sipas palës bjelloruse, udhëheqësit diskutuan çështjet rajonale, si dhe marrëdhëniet e Bjellorusisë me Bashkimin Evropian dhe në veçanti me Francën.

Burime shtetërore bjelloruse theksuan gjithashtu se biseda u iniciua nga Parisi. Minsku ende nuk ka zbuluar detaje mbi ndonjë marrëveshje apo temë tjetër të diskutuar.

Kontaktet midis Bjellorusisë dhe vendeve perëndimore u intensifikuan në verën e vitit 2025. Në atë kohë, administrata e Presidentit të SHBA-së Donald Trump filloi bisedime të drejtpërdrejta me Lukashenkon, kryesisht në lidhje me lirimin e të burgosurve politikë.

Në dhjetor 2025, Shtetet e Bashkuara lehtësuan pjesërisht sanksionet kundër kompanive bjelloruse të potasit në këmbim të lirimit të 123 të burgosurve politikë.

Në mars të vitit 2026, pas një takimi tjetër me një delegacion amerikan në Minsk, Lukashenko liroi një grup tjetër figurash të opozitës. Uashingtoni theksoi se lehtësimi i sanksioneve ishte i kushtëzuar dhe varej nga përfundimi i arrestimeve të motivuara politikisht nga Minsku.

Sinjali – aty ku e vërteta flet para lajmit!

/GazetaSinjali/

E trishtë: Ndahet nga jeta ekonomisti, Flamur Kuçi

Ka ndërruar jetë Flamur Kuçi, në moshën 37-vjeçare, raporton Sinjali. I ndjeri ka qenë ekonomist në Suharekë, ku njihej për profesionalizmin dhe angazhimin e tij, duke lënë pas dhimbje të thellë te familja, miqtë dhe të gjithë ata që e kanë njohur. Familja Kuçi ka njoftuar se varrimi i të ndjerit do të bëhet sot, më 28.05.2026, në orën 18:00, në varrezat e qytetit në Suharekë. Sinjali – aty ku e vërteta flet para lajmit! /GazetaSinjali/

Arrestohet Arblind Pireva për vrasjen në Prishtinë

Policia e Kosovës ka arrestuar Arblind Pirevën, i dyshuari kryesor për vrasjen që ndodhi mbrëmjen e së mërkurës në Prishtinë. Sipas njoftimit zyrtar, i dyshuari ishte në kërkim nga organet e rendit dhe është lokalizuar pas veprimeve hetimore të Njësitit të Hetimeve të Përgjithshme. Pas sigurimit të prezencës së tij dhe përfundimit të procedurave policore, me vendim të prokurorit të shtetit, Arblind Pireva është dërguar në qendrën e mbajtjes. Ai dyshohet për përfshirje në vrasjen që ka ndodhur në rrugën “Rifat Berisha” në Prishtinë, ku viktima kishte ndërruar jetë si pasojë e plagëve të marra nga arma e zjarrit. Policia ka bërë të ditur se hetimet për zbardhjen e plotë të motivit dhe rrethanave të ngjarjes po vazhdojnë. Ndërkohë, për rastin Sinjali ka raportuar ekskluzivisht. Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit! /GazetaSinjali/

Kjo është 46-vjeçarja e dyshuar për vrasjen në Ulqin

Një ngjarje e rëndë ka ndodhur në Ulqin të Malit të Zi, ku një 36-vjeçare nga Shqipëria ka humbur jetën si pasojë e një vrasjeje. Viktima është identifikuar si Dila Ndoj, me origjinë nga Balldreni i Lezhës, ndërsa rasti ka tronditur familjarët dhe komunitetin ku ajo jetonte. Sipas informacioneve paraprake, ngjarja dyshohet të ketë ndodhur brenda një marrëdhënieje personale, ndërsa autori i dyshuar është një 46-vjeçar nga Kosova, i cili është arrestuar nga autoritetet malazeze pak pas krimit. Pas vrasjes, ai dyshohet se i ka vënë flakën banesës së përbashkët në Kodre, duke shtuar edhe më tej rëndësinë e ngjarjes. Familjarët e viktimës kanë udhëtuar drejt Malit të Zi për procedurat përkatëse, ndërsa pritet që ceremonia mortore të zhvillohet në vendlindjen e saj në Lezhë. Autoritetet malazeze po vijojnë hetimet për të zbardhur plotësisht rrethanat e rastit. Sinjali – aty ku e vërteta flet para lajmit! /GazetaSinjali/

latest info

Search This Blog