Skip to main content

Lajm i ri



Jose Mourinho raportohet se është i gatshëm të bëjë ndryshime të mëdha te Real Madrid nëse rikthehet në stolin e klubit madrilen për sezonin e ardhshëm.

Sipas mediave spanjolle dhe portugeze, trajneri portugez ka diskutuar me presidentin Florentino Perez për një projekt të ri, i cili përfshin largimin e deri në dhjetë lojtarëve nga skuadra aktuale.

Në listën e emrave që mund të largohen përfshihen Andriy Lunin, Fran Garcia, Ferland Mendy, Dani Ceballos dhe Eduardo Camavinga.

Megjithatë, emri që ka shkaktuar më së shumti reagime është ai i Vinicius Junior. Sulmuesi brazilian, pavarësisht statistikave pozitive këtë sezon, po lidhet me një largim të mundshëm për shkak të ngecjes së negociatave për rinovimin e kontratës.

Në mesin e lojtarëve që mund të largohen përmendet edhe Federico Valverde, ndërsa drejtuesit e klubit po shqyrtojnë mundësinë e rindërtimit të skuadrës për epokën e re nën drejtimin e Mourinhos.

Sinjali – aty ku e vërteta flet para lajmit!

/GazetaSinjali/

Popular posts from this blog

E trishtë: Ndahet nga jeta ekonomisti, Flamur Kuçi

Ka ndërruar jetë Flamur Kuçi, në moshën 37-vjeçare, raporton Sinjali. I ndjeri ka qenë ekonomist në Suharekë, ku njihej për profesionalizmin dhe angazhimin e tij, duke lënë pas dhimbje të thellë te familja, miqtë dhe të gjithë ata që e kanë njohur. Familja Kuçi ka njoftuar se varrimi i të ndjerit do të bëhet sot, më 28.05.2026, në orën 18:00, në varrezat e qytetit në Suharekë. Sinjali – aty ku e vërteta flet para lajmit! /GazetaSinjali/
Read more

Arrestohet Arblind Pireva për vrasjen në Prishtinë

Policia e Kosovës ka arrestuar Arblind Pirevën, i dyshuari kryesor për vrasjen që ndodhi mbrëmjen e së mërkurës në Prishtinë. Sipas njoftimit zyrtar, i dyshuari ishte në kërkim nga organet e rendit dhe është lokalizuar pas veprimeve hetimore të Njësitit të Hetimeve të Përgjithshme. Pas sigurimit të prezencës së tij dhe përfundimit të procedurave policore, me vendim të prokurorit të shtetit, Arblind Pireva është dërguar në qendrën e mbajtjes. Ai dyshohet për përfshirje në vrasjen që ka ndodhur në rrugën “Rifat Berisha” në Prishtinë, ku viktima kishte ndërruar jetë si pasojë e plagëve të marra nga arma e zjarrit. Policia ka bërë të ditur se hetimet për zbardhjen e plotë të motivit dhe rrethanave të ngjarjes po vazhdojnë. Ndërkohë, për rastin Sinjali ka raportuar ekskluzivisht. Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit! /GazetaSinjali/
Read more

Kjo është 46-vjeçarja e dyshuar për vrasjen në Ulqin

Një ngjarje e rëndë ka ndodhur në Ulqin të Malit të Zi, ku një 36-vjeçare nga Shqipëria ka humbur jetën si pasojë e një vrasjeje. Viktima është identifikuar si Dila Ndoj, me origjinë nga Balldreni i Lezhës, ndërsa rasti ka tronditur familjarët dhe komunitetin ku ajo jetonte. Sipas informacioneve paraprake, ngjarja dyshohet të ketë ndodhur brenda një marrëdhënieje personale, ndërsa autori i dyshuar është një 46-vjeçar nga Kosova, i cili është arrestuar nga autoritetet malazeze pak pas krimit. Pas vrasjes, ai dyshohet se i ka vënë flakën banesës së përbashkët në Kodre, duke shtuar edhe më tej rëndësinë e ngjarjes. Familjarët e viktimës kanë udhëtuar drejt Malit të Zi për procedurat përkatëse, ndërsa pritet që ceremonia mortore të zhvillohet në vendlindjen e saj në Lezhë. Autoritetet malazeze po vijojnë hetimet për të zbardhur plotësisht rrethanat e rastit. Sinjali – aty ku e vërteta flet para lajmit! /GazetaSinjali/
Read more