Irani ka deklaruar se, ndonëse është shënuar njëfarë progresi në bisedimet me Shtetet e Bashkuara të Amerikës, një marrëveshje përfundimtare nuk është ende afër.
Zëdhënësi i Ministrisë së Jashtme iraniane, Esmail Baqai, tha se palët kanë arritur përparim në disa prej çështjeve të diskutueshme, por theksoi se është e parakohshme të flitet për nënshkrim të afërt të një marrëveshjeje.
“Është e saktë të thuhet se kemi arritur në një përfundim për një pjesë të madhe të çështjeve që po diskutohen, por të thuash se marrëveshja është afër nuk është reale,” deklaroi Baqai.
Deklaratat vijnë pas komenteve të Sekretarit amerikan të Shtetit, Marco Rubio, i cili kishte sugjeruar se një marrëveshje mund të arrihej së shpejti. Bisedimet mes dy vendeve thuhet se përfshijnë çështje si armëpushimi, rihapja e Ngushticës së Hormuzit dhe negociatat mbi programin bërthamor të Iranit.
Sinjali – aty ku e vërteta flet para lajmit!