Gati 500 mijë ushtarë rusë janë vrarë që kur Rusia e nisi pushtimin e plotë të Ukrainës në vitin 2022, ka njoftuar agjencia më e madhe britanike te spiunazhit, transmeton “BBC”.
Shifrat u zbuluan nga drejtoresha e GCHQ-së, Anne Keast-Butler, në fjalimin e saj të parë publik, ndërsa ajo paraqiti kërcënimet me të cilat përballet Mbretëria e Bashkuar dhe masat që beson se duhen ndërmarrë për t’u përballur me to.
Shefja e spiunazhit paralajmëroi se Rusia “po synon pa pushim” infrastrukturën kritike në mbarë Mbretërinë e Bashkuar.
Ajo gjithashtu fajësoi Kremlinin për një varg komplotesh spiunazhi në territorin britanik dhe, së fundmi, për zhvillimin e një “lufte hibride” të padeklaruar kundër Mbretërisë së Bashkuar dhe vendeve të tjera të NATO-s.
Ndërsa si Kievi ashtu edhe Moska kanë publikuar rregullisht vlerësime për humbjet e palës tjetër, ato kanë hezituar të japin detaje për humbjet e tyre.
Megjithatë, në shkurt, presidenti ukrainas Volodymyr Zelensky tha se Ukraina kishte humbur 55 mijë ushtarë që nga viti 2022.
“BBC News Russian” ka numëruar humbjet ruse në luftë së bashku me median e pavarur Mediazona dhe një grup vullnetarësh që nga shkurti i vitit 2022. Një listë mbahet me emrat e individëve, vdekjet e të cilëve kemi mundur t’i konfirmojmë duke përdorur raportet zyrtare, gazetat, rrjetet sociale dhe memorialet e reja apo varret.
BBC deri tani ka mundur të konfirmojë emrat e 223,539 ushtarëve dhe oficerëve të vrarë duke luftuar në Ukrainë.
Besohet se numri real i të vdekurve është shumë më i lartë.
Duke folur nga Bletchley Park, vendi ku bëhej deshifrimi i kodeve gjatë Luftës së Dytë Botërore, Keast-Butler veçoi Rusinë për “shënjestrimin e infrastrukturës kritike, proceseve demokratike, zinxhirëve të furnizimit dhe besimit publik”.
Kremlini i ka mohuar akuzat.
Keast-Butler paralajmëroi gjithashtu se Rusia dhe Kina po inve
Sinjali – aty ku e vërteta flet para lajmit!