Çanak: Serbia s’ka një alternativë të qartë politike – Kosovën e përdorin për të hutuar njerëzitSinjali
Politikani serb nga Vojvodina dhe njohës i pavarësisë së Kosovës, Nenad Čanak, ka deklaruar se në Serbi mungon një alternativë e qartë politike dhe se çështja e Kosovës përdoret shpesh në diskursin politik për të larguar vëmendjen nga problemet e brendshme.
Në një intervistë për media ndërkombëtare, Çanak tha se debati politik në Serbi shpesh dominohet nga narrativat nacionaliste, ndërsa opsionet civile, sipas tij, mbeten të margjinalizuara.
Ai theksoi se përdorimi i temës së Kosovës shërben si “kartë politike” që aktivizohet në çdo situatë të tensionuar brenda vendit, duke penguar fokusin në çështje si sundimi i ligjit dhe zhvillimi ekonomik.
Çanak gjithashtu u ndal te mungesa e një drejtimi të qartë politik në Serbi, duke thënë se as lëvizjet e reja politike dhe as protestat studentore nuk kanë ende një lidership apo program të konsoliduar.
Deklaratat e tij vijnë në një kohë tensionesh politike në Beograd, ku së fundmi janë mbajtur protesta masive kundër qeverisë, me pjesëmarrjen e dhjetëra mijëra qytetarëve.
Sinjali – aty ku e vërteta flet para lajmit!