Bettina Anderson dhe Donald Trump Jr. kurorëzojnë martesën, shfaqen unazat e çiftit

Bettina Anderson ka konfirmuar në mënyrë indirekte martesën me Donald Trump Jr., përmes një postimi ku ajo ka shfaqur unazat e martesës.

Sipas raportimeve, çifti është martuar ligjërisht të enjten, ndërsa ceremonia është mbajtur në një ambient privat gjatë fundjavës në Bahamas, me pjesëmarrjen e rreth 40 të ftuarve.

Anderson publikoi në Instagram një fotografi bardh e zi ku shihet duke mbajtur dorën e bashkëshortit, ndërsa të dy mbajnë unazat e martesës, të shoqëruar me mbishkrimin “Përgjithmonë e jotja, përgjithmonë e imja”.

Nga familja Trump ka pasur edhe urime publike, ndërsa thuhet se në ceremoni kanë marrë pjesë edhe disa nga familjarët e afërt të tyre.

Sipas raportimeve, është diskutuar edhe mundësia e një ceremonie në Shtëpinë e Bardhë, por kjo ide është lënë mënjanë.

Sinjali – aty ku e vërteta flet para lajmit!

/GazetaSinjali/

E trishtë: Ndahet nga jeta ekonomisti, Flamur Kuçi

Ka ndërruar jetë Flamur Kuçi, në moshën 37-vjeçare, raporton Sinjali. I ndjeri ka qenë ekonomist në Suharekë, ku njihej për profesionalizmin dhe angazhimin e tij, duke lënë pas dhimbje të thellë te familja, miqtë dhe të gjithë ata që e kanë njohur. Familja Kuçi ka njoftuar se varrimi i të ndjerit do të bëhet sot, më 28.05.2026, në orën 18:00, në varrezat e qytetit në Suharekë. Sinjali – aty ku e vërteta flet para lajmit! /GazetaSinjali/

Arrestohet Arblind Pireva për vrasjen në Prishtinë

Policia e Kosovës ka arrestuar Arblind Pirevën, i dyshuari kryesor për vrasjen që ndodhi mbrëmjen e së mërkurës në Prishtinë. Sipas njoftimit zyrtar, i dyshuari ishte në kërkim nga organet e rendit dhe është lokalizuar pas veprimeve hetimore të Njësitit të Hetimeve të Përgjithshme. Pas sigurimit të prezencës së tij dhe përfundimit të procedurave policore, me vendim të prokurorit të shtetit, Arblind Pireva është dërguar në qendrën e mbajtjes. Ai dyshohet për përfshirje në vrasjen që ka ndodhur në rrugën “Rifat Berisha” në Prishtinë, ku viktima kishte ndërruar jetë si pasojë e plagëve të marra nga arma e zjarrit. Policia ka bërë të ditur se hetimet për zbardhjen e plotë të motivit dhe rrethanave të ngjarjes po vazhdojnë. Ndërkohë, për rastin Sinjali ka raportuar ekskluzivisht. Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit! /GazetaSinjali/

Kjo është 46-vjeçarja e dyshuar për vrasjen në Ulqin

Një ngjarje e rëndë ka ndodhur në Ulqin të Malit të Zi, ku një 36-vjeçare nga Shqipëria ka humbur jetën si pasojë e një vrasjeje. Viktima është identifikuar si Dila Ndoj, me origjinë nga Balldreni i Lezhës, ndërsa rasti ka tronditur familjarët dhe komunitetin ku ajo jetonte. Sipas informacioneve paraprake, ngjarja dyshohet të ketë ndodhur brenda një marrëdhënieje personale, ndërsa autori i dyshuar është një 46-vjeçar nga Kosova, i cili është arrestuar nga autoritetet malazeze pak pas krimit. Pas vrasjes, ai dyshohet se i ka vënë flakën banesës së përbashkët në Kodre, duke shtuar edhe më tej rëndësinë e ngjarjes. Familjarët e viktimës kanë udhëtuar drejt Malit të Zi për procedurat përkatëse, ndërsa pritet që ceremonia mortore të zhvillohet në vendlindjen e saj në Lezhë. Autoritetet malazeze po vijojnë hetimet për të zbardhur plotësisht rrethanat e rastit. Sinjali – aty ku e vërteta flet para lajmit! /GazetaSinjali/

latest info

Search This Blog